AP: MoS Defence in Tawang-a sipai hmun tlawh

Union Minister of States for Defence Dr Subhash Ramrao Bhamre chuan Nilaini khan Arunachal Pradesh-a ramri, India Army-te awmna Maratha Ground Staging Camp a tlawh.

Maratha Ground Staging Camp hi ft. 12,220-a sanga awm niin 1983-a Maratha Light Regiment ten an din kha a ni a, Maratha Light Regiment-te hian khatih hunlai khan tlang nawr zawl hna an thawk a ni.

MoS Dr. Subash Ramrao Bhar­­me chuan Maratha Warrior Chha­trapati Shivaji Maharaj lim bulah amah zahna lantirna a hlan bawk.

Bharme hian army official-te leh sipaite kawmna hun a hmang bawk a, Maratha Lezium Dance-ah te pawh a lampui ve nghe nghe. MoS hi Brigadier Zubin Bhatnagar chuan kaihruaiin he hunah hian Major General RK Jha, Fire Division General Officer Com­manding Ball pawh a tel ve a ni.

Minister hian Tawang War Memorial pawh tlawhin Indo-China Battle of 1962-a Kameng Sector martar-te zahna a hlan bawk.

Bharme chuan India sipai te hnathawh chu fakin Line of Actual Control-a an hmalak dan leh China nena an inkar an chinfel ṭhin dan te chu fakawm a tih thu a sawi.