Amit Shah-a'n Manipur tlawh dawn

Union home minister Amit Shah chuan tun thla chhung hian Manipur tlawhin, stakeholder hrang hrangte Naga issue a sawipui dawn niin Manipur chief minister N Biren Singh chuan a sawi. 

CM Singh chuan Amit Shah hian Naga talk neih mek chungchang hi Manipur-a roreltute bakah, civil society organisation aiawhte pawh a sawipui duh a ni tiin, a zin hun tur tak erawh tihchian a la ni lo, a ti.

Naga helpawl, Nationalist Council of Nagalim-IM leh sorkar laipui aiawhten inremna kawng zawnga inbiakna an neih hi a hmawr an bawk hnai tawh nia sawi a ni.

Kum 1997-a inkahhai an puan hnuah inremna zawng hian ṭum 100 chuang inbiakna hi neih a ni tawh. NSCN-IM  ten an thil phut zingah hian Naga chenna bialte chu Nagaland-a rin luh te a tel. Hetih lai hian Naga hnam hi an ṭhenawm, Assam, Manipur leh Arunachal-ahte chenna bial an neih tel avangin heng state pathumte hian an inremna siam dan tur pawh an ngaihven hle a, an ram chin hloh an tum lo tih an lo sawi lawk tawh hlawm a ni.