BJP-in land rights ang khat vekin pe dawn : Himanta

Assam finance minister leh NEDA convenor, Himanta Biswa Sarma chuan an BJP chuan state chhunga mi tinte chu land rights ang khat vekin a pe dawn tih a sawi. 

He thu hi Bodoland Territorial Council (BTC) inthlan tur atana Pathiannia Udlaguri district-a a campaign-naah a sawi a ni. 

Sarma chuan centre leh state sorkawrin BTC tihhmasawnna scheme hrang hrang tana sum tam tham a pechhuak tawh chungin, heng sumte hi a hmanna tur dik taka hman a nih loh thu sawiin, Bodoland People's Front (BPF) chu sum tichingpenah a puh bawk. 

Council-a kum 17 chhung zet thuneihna lo chang tawh, BPF chu mipuiten an ning tawh a; roreltu thar, hmasawnna leh mitinte dikna chanvo ang khata pe theitu tur an duh tawh a ni, tiin Sarma chuan a sawi. BTC inthlan neih turah BJP chuan sorkarna a lak ngei tur thu sawiin, rorelna langtlang an siam dawn tih a sawi bawk a ni.