Tripura-a buaina chhuak vangin mi 300 vel tlanchhia

West Tripura-a mipat hmeichhiatna lam hawia chetna awm vanga community pahnih inkara Zirtawpni-a buaina chhuak avangin mui 300 vel chu an tlanchhia niin police-te chuan an sawi.

Police-te chuan Ni­ngani khan Ranirbazar area-ah mi pakhat leh a bialnu chu Durga idol en tura an kal thu an sawi a, tlangval pali in hmeichhia chu mipat hmeichhiatna lam hawia an lo khawih thu sawiin a mobile phone pawh an laksak tih an sawi a ni.

Hemi hnu hian in­ngaizawng te hi an khuaah an kir leh nghal a, mi tam tak hruaiin Ranirbazar-ah chuan lo kir lehin hmeichhe laka mawi lo taka che nia an hriat te in chu beih an tum ta niin sub-divisional police officer BB Das chuan a sawi.

SDPO chuan boruak chu an thunun lawk theih loh thu sawiin mipui thinrim kal khawm chuan in pakhat chu an hal hman tih a sawi a, hemi hnu hian chhungkaw 61 aṭangin mi 300 vel chu an tlanchhe zui tih sawiin Ranirbazar police station bulah an inkulh hrih niin a sawi a ni.

Police-te chuan hmeichhe laka mawi lo taka che mi pali te hi an man vek tawh tih an sawi bawk.