Nagaland sorkar school-in Music Curriculum kalpui

Nagaland-a Government Higher Secondary School, Pfutsero chu an state sorkar school awm zinga Music Curriculum kalpui hmasa ber an ni.

Principal Secretary for School Edu­cation, Menukhol John chuan Zirtawpni khan Music Curriculum hi RMSA hnuaia tlangzarhna a nei a, Government Higher Secondary School, Pfutsero chu an state chhunga Music Curriculum kalpui hmasa ber an nih thu a sawi.

Menukhol chuan Music Curriculum hi pilot basis-a hman ṭan a nih dawn thu sawiin school chawlhsan tum tute hip hnaitu a nih a beisei thu a sawi bawk.

Secheku Children Music Ministry hnen aṭangin Music Curriculum kalpui tur hian idea an nei a ni.

Secheku Children Music Ministry hian Phek district-a khaw 13-ah music an zirtir mek a, music chawisan tum tu an nih bakah thingtlang naupangte rilrua Kristian hlutna tuhnghet an tumna a ni pah bawk a ni.

Ministry hmalakna hian sorkar beng a thlen hnuah Nagaland School Education Department chuan Rashtriya Madhyamik Shiksha Abhiyan (RMSA) hnuaia kalpui ve turin thutlukna an siam a ni.