Meghalaya CM-in U Soso Tham auditorium siamṭhat hawng

Meghalaya chief minister Conrad K Sangma chuan Thawhlehni khan U Soso Tham Auditorium siamṭhat a hawng a, Museum on Wheels a vailiam nghal bawk.

He hun hi Arts and Culture department buatsaih a ni a, Deputy Chief Minister Prestone Tynsong, Minister of Arts & Culture Shanbor Shullai, Chief Secretary R V Suchiang, Principal Secretary Dr P Shakil Ahammed leh Commissioner & Secretary, Arts & Culture Federick Roy Kharkongor-ten an telpui a ni.

CM Sangma chuan U Soso Tham chu sorkar leh cultural programme pawimawh huaihawtna hmun ṭha tak a ni tih a sawi a, mahse cheiṭhat loha hun rei tak a awm tawh thu a sawi.Tuna world-class facility ni thei tura auditorium chei ṭhat a ni ta chu lawmawm a tih thu a sawi bawk. Tura leh Jowai bakah district headquarters danga auditorium-te pawh a tahtawlin cheiṭhat leh tihchangtlun chhoh an ni dawn tih a sawi.