Nagaland : MHA committee-in hun tiam chhungin report thehlut hman lo

Nagaland aṭanga Armed Forces Special Powers Act (AFSPA) hlih a nih theih dan tur zirchiang tura Ministry of Home Affairs (MHA)-in committee a din chuan, hun tiam chhungin report a thehlut hman lo.

MHA committee hi nikum December thla khan din niin, din a nih aṭanga ni 45 chhung hian report thehlut tura tih a ni. Nagaland chief minister Neiphiu Rio chuan committee hian February 9-ah a report hi a thehluh hman a ngai tih a lo sawi tawh a ni.

Mahse committee hian thla thum chhunga an thehluh phalsak turin committee hian a lo ngen tawh a,hei hian March 26 thleng a huam niin The Hindu chuan a tarlang.

Nikum December 4 leh 5-a security force-ten Mon district-a civil mi 14 an kahhlum hnuah khan, Nagaland-a sipai thuneihna sang pekna, AFSPA hman mek hlip tura sorkar laipui phutna a nasa nghal hle. Hei vang hian sorkar chuan Nagaland dinhmun leh, AFSPA hlih phutnate hi zirchiang a, rawtna siam turin committee a din nghal a ni.