Assam CM hluite awmna leh security pek titawp dawn

Assam sorkar chuan state chief minister hluite chenna accomadation facility leh security pek ṭhin chu tihtawp a ni chho dawn tih a sawi.

He ruahmanna thar hi tuna CM ṭanglai, Himanta Biswa Sarwma aṭangin hman ṭan a ni dawn a, hei vang hian CM hlui pahnih Sarbananda Sonowal leh Prafulla Kumar Mahanta-te chuan facility-te hi an la hmang zawm thei dawn a ni.

Kumin kumtir lama state cabinet meeting chuan chief minister hluite chu CM ni laiin a dawn ang accomodation leh full security-te chu sorkar aṭanga pek tawh loh hi an rel a ni. Mahse full security tih hian eng chin nge a huam erawh a sawichiang lo thung.

Cabinet meeting hian personal security officer (PSO) pek chungchang pawh ennawnin, tihtlem a lo rawt tawh bawk a, hemi hnu hian PSO atan dah mi tam tak koh leh a ni tawh bawk. PSO atan hian mi 4,440 vel dah niin hemi atan hian Assam chuan kumtin cheng vaibelchhe 400 vel a seng a, sum tak tak senralna a nih avangin an kal dan ngai ang hian chhunzawm theih a ni tawh lo tih a sawi a ni.

Chief Minister zuitu motor pawh Guwahati Metropolitian Area-ah paruk chin leh, district leh area dangah 12-ah a titlem bawk a, mahse hei hian Escort leh Pilot erawh a huam tel lo thung.