Nagaland: Chakhesang Baptist Church Council-in Anpui kawp pawm lo

Supreme Court in Indian Penal Code (IPC) Section 377(a) hnawl tawh mah se Nagaland-a Chakhesang Baptist Church Council (CBCC) chuan mahni anpui kawp chu an remtiin an thlawp ngai dawn lo tih an sawi.

CBCC executive secretary Rev. Dr. Vezopa Tetseo chuan OCtober 18 leh 19-a meeting an neihah Bible leh Kohhran dinna chu an tinghetin an tichiang tih sawiin resolution pawh eng emaw zat an siam tih a sawi. CBCC chuan Kohhran chu Isua Krista taksa a nih angin sual chungchangah a ngawi mai mai thei lo tih an sawi a, anpui kawp chungchang chu Bible in a remti lo tih sawiin Leviticus 18 & 20, Rom 1:18-32 bakah I Korinth 6:9-10-ah te chiang takin hemi chungchang hi a inziak a ni, an ti.