North East Olympic Games atan Manipur inpeih

Manipur chu vawiin aṭanga ṭan tur North East Olympic Games (NEOG) hmasa ber thleng turin a inpeih tawh hle niin official te chuan an sawi.

Manipur Olympic Asso­ciation president Thokchom Radheshyam chuan Pathianni khan thuchhuah siamin Imphal-a an thlen tur, ni li awh tur NEOG thleng tur chuan an inpeih tawh hle tih sawiin thil la thleng ngai lo a nih thu a sawi a, infiammi mi 2000 chuang chu discipline 12-ah an inel dawn tih a sawi.

NEOG hi Khuman Lampak Sports Complex-ah neih a ni dawn a, football hi Eastern Ground -ah khelh a ni dawn a, D M College Indoor Stadium-ah badminton khelh a ni dawn thung a ni.

North East Olympic Asso­ciation kaihhruaina hnuaiah Athletics, Archery, Badminton, Boxing, Football, Judo, Karate-Do, Shooting, Table Tennis, Taekwondo, Weightlifting leh Wushu hmang tein inelna hi neih a ni ang.

Education, Labour & Employment Minister leh MOA president ni bawk Radheshyam chuan Olympic hlawhtling tak neih a nih theihna turin hma an theihtawpa an lak thu a sawi a, civil society leh pawl hrang hrang te chu Olympic neih laia nawrh huaihawt lo turin a ngen bawk.

NEOG official webiste http://www.northeastolympic.co... tlangzarhna hun a nei nghal bawk a ni.