Garo Hills CEM chungchanga lungawi lo ; Mipuiten flag dum nen CM Sangma an hmuak

Garo Hills Autonomous District Council (GHADC) chief executive member (CEM) atana Rakesh Sangma ruat a nih chungchanga lungawi lo, mipuite chuan Ningani khan chief minister Conrad K Sangma chu flag dum nen lo hmuakin, kir leh nghal turin an lo au khum bawk.

Lungawi lohna lantirte hian CEM atana thlan thar, Rakesh Sangma chu Garo hnam dik tak a ni lo nia sawiin, a post aṭang hian ban leh nghal turin an phut. Garo Hills-a NGO hrang hrang - GSU, FKJGP, ADE, FAF, AYWO leh NESO-te chuan Rakesh hian Sangma ni loin, Newar (Nepali origin) tiin an insawi reng ṭhin a, college-ah pawh Newar Sangma tiin a indah a ni, an ti. GHADC inthlan dawn khan, affidavit a thehluhah Rakesh A Sangma a inti chauh niin an sawi a ni.