Assam BJP MLA in banna thehlut AGCL vang a nih thu a sawi

Assam-a Bharatiya Janata Party (BJP) MLA Terash Gowalla chuan Thawhlehni khan Chief Minister Sarbanada Sonowal hnenah Assam Assembly aṭanga a banna a thehluh thu a sawi.

Terash Gowalla hi Duliajan constituency bialtu MLA a ni a, Thawhṭanni zan khan Chief Minister Sonowal hnenah a banna lehkha hi a thawn a ni.

BJP party official-te chuan Gowalla-an banna lehkha a thehlut ngei a ni tih hi an sawi chiang tawh a, CM office-ah Thawhṭanni khan banna hi a thehlut a ni, an ti.

Gowalla chuan buaina hrang hrang a awm thu sawiin MLA a nihna anga a duty a hlen zawh lo thu a sawi a, hemi anih avang hian mawhphurhna la ngamin a bang ta niin a sawi.

Eng post mah pek a nih loh chungchang leh Assam Gas Company Ltd (AGCL) chung changa zawhna chhangin Gowalla chuan Assam Gas Company Ltd (AGCL) chu a ban chhan pakhat a nih thu a sawi. AGCL chu Duliajan a awm a nih thu leh mipuite chuan Duliajan aiawh tura an thlantlin thu a sawi a, a lakah pawh beisei-na sang tak an neih thu a sawi. Mahse amah rawn lo in company-ah chuan appointment an siam tih a sawi a ni.

Gowalla chuan post pek kher chu a beisei lo tih sawiin, amah an rawn miah lo erawh a lungawi lo niin a sawi bawk.

A banna chu a hnuhdawhna lehna chance a awm em tia zawhna chu chhang bawkin CM hnenah buaina hrang hrang awm chungchang pawh a thlen tawh tih a sawi a, chhanna lungawi thlak tak a dawng a nih chuan a hnukdawk leh thu thut thei tih a sawi.

Gowalla chuan Speaker, Hitendra Nath Goswami hnenah chuan banna lehkha hi a la thawn ve loh thu sawiin, constituency mipuite a rawn hnuah thutlukna a siam ṭha leh dawn tih a sawi bawk. Assembly Secretariat Prin­cipal Secretary, M K Deka chuan MLA banna lehkha hi an dawn loh thu a sawi ve bawk a ni.

Tun dinhmunah hian BJP hian member 126 awmna Legislative Assembly-ah hian member 61 an nei mek a ni.

Chief Minister Sonowal chuan Thawhṭanni khan sorkar kaihhruai pawl hrang hrang 40-a chairman leh vice chairman-te a ruat a, heng pawl hrang hrang hruaituah hian BJP, AGP leh BPF politician te pawh an tel nghe nghe.

Assam Gas Company Ltd chairperson atan hian Sadiya MLA Bolin Chetia chu ruat a ni a, Indra Gogoi chu vice chairperson atan ruat a ni thung.