GHADC MDC-ten CEM thar tur an thlang ; CEM Rakesh Sangma-a'n banna a thehlut dawn

Meghalaya-a Garo Hills Autonomous District Council (GHADC) chief executive member (CEM) thar Rakesh A Sangma duh lohna lantir a nih hnuah, MDC-te chuan Inrinni khan CEM thar atan Albinush Marak an thlan hnan. Rakesh Sangma hian vawiinah CEM a nihna aṭanga banna a thehlut ang.

Rakesh A Sangma hi Garo leilung fa dik tak a ni lo nia sawiin, CEM atana thlan a ni hi duh loin Garo Hills-ah mipuite chuan lungawi lohna an lantir a ni. Kar liamta Ningania chief minister Conrad K Sangma-a'n South Garo Hills-a Ampati khua a tlawh ṭum pawhin mipuite chuan flag dum nen an lo hmuak a ni.

Garo mipuite chuan GHADC-a CEM atan chuan Garo tribal community member mi ngei dah an phut tih an sawi. Garo pawl hrang hrangte chuan Rakesh leh a unaute chuan school kal lai atangin Sangma ni loin Newar (Nepali origin) tiin an indah vek a college a kal hnuah Newar Sangma tiin a thlak chauh a ni, an ti. GHADC inthlan neih dawna affidavit a thehluhah Rakesh A Sangma a inti leh tih an sawi.