AAPSU-in China nena water treaty siam ngiat

Arunachal Pradesh-a zirlai pawl lian ber All Arunachal Pradesh Students’ Union (AAPSU) chuan sorkar laipui chu China nena water treaty siam tura an phut thu an sawi. AAPSU chuan Siang valley-a an federal unit pathum : All Upper Siang District Students’ Union, All Siang District Students’ union, All East Siang District Students-te chuan an thlawp thu an sawi bawk.

AAPSU general secretary Tobom Dai chuan an federal wing ten India sorkar leh Chian sorkar te chu 'Water Treaty' ziak tura an ngiat chu an pawmpui tih sawiin, tun hnaia hemi tih hlawhtlin phuta Peaceful protest rally cum dharna buatsaih chu an thlawp thu an sawi bawk.

Tobom Dai chuan Siang lui lian vangin a chhevela cheng ten chhiatna leh harsatna nasa tak tawk mah se, India sorkar chuan hma a la lo niin a sawi a ni. Dai chuan Siang lui a kam hnu lawkah tui a rawn tam leh vak niin a sawi a, tui rawn lianah hian Chinese alphabet, insignia of isocyanides (C6 H9 O2 N2) inziak barrel eng emaw zat a rawn len thlak thu sawiin, hei hi puak thei thil siam nana an hman ṭhin a nih thu a sawi bawk.

AAPSU GS chuan ramriah pawh khuarel chhiatna thleng ni awm tak thil a thlen thu sawiin, India sorkar chuan hma a lak vat loh chuan Siang lui vanga buaina an tawh ang tho an tawk leh thei tih a sawi bawk a ni.