Garo Hills-ah ralthuam ṭhahnem tak hmuchhuak

Meghalaya-a East Garo Hills district-ah Nilaini khan hel pawl Garo National Liberation Army (GNLA)-te'na an ralthuam dah thuhruk ṭhahnem tak chu Meghalaya police-te'n an hmuchhuak.

Police-te chuan Nilaini khan Rongbakgre leh Nengmandalgre thingtlang khaw mite hnen aṭanga an thudawn bawhzuiin ralthuam hi an hmuchhuak tih an sawi a, a dang pawh a la awm an rin thu an sawi. Ralthuam zawn hna hi an chhunzawm zel tih an tarlang bawk.

Ralthuam an hmuhchhuah zingah hian AK47 pakhat, SBML gun pakhat, SBBL rifle pahnih, pistol pasarih, AK magazine pahnih, .303 LMG magazine pakhat, SLR magazine panga, INSAS magazines pahnih, pistol magazine pasarih, mortar shell pathum, 36 HE hand grenade pakhat, silaimu hrang hrang 2823, IED remote control bomb pahnih, time bomb circuit 11, RC bomb circuit 12, time bomb battery 10, walkie-talkie set thum, 34 WT battery charger, 20 WT set adapter, 6 WT set battery cover, 46 WT set headphone, tactical pistol holster pali, IED detonator awm lo pakhat leh Velcro tape roll-te an tel a ni.

Nilaini-a ralthuam an hmuh­chhuah hi tunhnaia ralthuam an hmuchhuah zinga an hmuh­chhuah tam ber zinga mi a ni a, hmanni lawk khan GNLA co­mmnader in chief thi ta Sohan D Shira ralthuam dahṭhat eng emaw zat chu East Garo Hills district-ah tho hian an lo hmuchhuak tawh bawk a ni.