KHADC CEM-in Khasi Lineage Bill pharh thar leh

Meghalaya-a Khasi Hills Au­tonomous Dis­trict Council (KHADC) Chief Executive Member, Hi­spreaching Son Shylla chuan special session neihna ni hmasa ber, Ningani khan Khasi Hills Autonomous District (Khasi Social Custom of Lineage) (First Amendment), Bill, 2018 chu a pharh ṭha leh.

Ningani-a bill pharh ṭhat lehah hian clause thar eng emaw zat belh a ni a, heng zingah hian Principal Act Section 2-a Ring Bia or Shaw Bhoi, Non-Khasi, Rangbah Kur, Tribunal, Tip Kur, Tip kha telh te chu a langsar zinga mi a ni.

KHADC Khasi Social Cus­tom of Lineage (Amendment) Bill-ah hian Shaw Bhoi hi hrilhfiah niin mipa chuan a hnampui hmeichhia an awm lo emaw an tlem emaw a nih chuan community dang hmeichhia an hnam (clan) hming kalzel theih nan an nei thei a ni.

Shylla hian Khasi Hills Autonomous District (Inner Line as adopted from the Eastern Frontier Regulation, 1873) Regulation Bill, 2018 pawh a pharh bawk a, an Council area-a kalpui dan tur an zawng dawn niin a sawi.

KHADC chuan Meghalaya Governor chu Bengal Eastern Frontier Regulation, 1873-a provision-te kalpui tura nawrna tur resolution an pu lut bawk.

Shylla chuan Khasi Hills Autonomous District (Inner Line as adopted from the Eastern Frontier Regulation, 1873) Regulation Bill, 2018 chu kalpui a ngai takzet tih sawiin Assam in National Register of Citizens (NRC) a kalpui avangin an state chhungah dan loa luh hukna thlen theihna chance a sang hle niin a sawi.