AP-a puitling 22.7 in vaihlo hmang: GATS

Global adult tobacco survey-GATS (2016-17) in a tarlan danin Arunachal Pradesh-a puitling awm zinga 22.7 % chuan vaihlo an hmang.

Survey report in a tarlan hian vaihhlo a zuk chi leh a zuk lo thlengin a huam vek a ni.

DPO DTCC (NTCP), Dr Kopi Gyadi chuan anti -tobacco awareness programme-cum-rock show neihnaa thu a sawinaah GATS report hi a sawichhuak.

State Tobacco Control Cell, Naharlagun leh Volun­tary Health Association of Arunachal Pradesh-te ṭangkawpin he hun hi buat­saihin East Kameng Socio-Cultural Welfare Organisation foundation day vawi 40-na puala an buatsaih a ni a, Thawhlehni khan Nyokum Yulo ground-ah he hun hi an hmang a ni.

Dr Gyadi chuan survey aṭang chuan Arunachal Pradesh-a mipa 38.7% in vaihlo an hmang tih leh hmeichhia 5.4% in vaihlo an hmang tih a lan thu a sawi. Heng vaihlo hmang zinga mipa 50.1% hian vaihhlo zial an zu lo a, hmeichhia 28.7% hian vaihlo zial an zu lo bawk. Vaihlo hmang zawng zawng zinga 45.5% chuan vaihlo zial an zu lo a ni.