Meghalaya Congress MLA hremten UDP zawm an duh

Meghalaya Congress party MLA panga, party thuneitu sang rawn loa National People's Party (NPP) kaihhruai Meghalaya Democratic Alliance (MDA) sorkar an thlawp avanga Congress party-in a suspend-te chuan United Democratic Party (UDP) zawm an duh nia sawi a ni.

Hetih lai hian UDP chuan Congress MLA-te hian an party-in tehkhawng a siamte chu an zawm thei dawn em tihte pawh a ngaihtuah phawt dawn a, an party-ah hian lakluh an remti dawn em tih an ngaihtuah phawt dawn niin UDP genreal secretary Jemino Mawthoh chuan a sawi. "Kan party zawm duh apiang kan lalut nghal vek thei lo. Legislator an nih anga an hna lo thawh tawh dan hrang hrang te, kan inkaihhruai dante an pawm thei em tih te, party tana an inpek dan tur thlengin ngaihtuah vek a ngai a ni," a ti.

MDA sorkar an thlawp hnuah, Congress party chuan an party MLA pangate hi show-cause notice a pe a, mahse MLA-te hian hei hi chhan an tum lo nia sawi a ni.