Vanglaini logo

Sorkar laipuiin North East Venture Fund din dawn

Sorkar laipui chuan hmarchhaka entreprenuer-te ṭanpuina tur North East Venture Fund (NEVF) a din tur thu, National Working Pre­sident of the Forum of SC & ST Legislators Parliamentarians, Inder Iqbal Singha Atwal chuan a sawi.

Inrinnia thuthar thehdarhtuten an kawmnaah Inder Iqbal Singha Atwal chuan entreprenuer-te ṭan­puina tur venture fund din an tum chu North Eastern Development Finance Corporation Ltd. (NEDFi) ruahmanna a nih thu a sawi. Iqbal Singha Atwal chuan venture fund in a tum ber chu hmar­chhaka entreprenuer-te'n kawng hrang hranga hmasawnna an neih theihna tura ṭanpui a nih thu a sawi bawk a ni.

NEVF chuan North East Region (NER) entreprenuership hmasawnna turin a thawk dawn tih a sawi. Sorkar laipui hian a hmain hmarchhak entreprenuer-te hmasawnna tur hian cheng vaibelchhe 100 pek a lo tiam tawh a, heng zinga vaibelchhe 45 hi chu Ministry of DoNER tum tur niin vaivelchhe 30 hi chu NEDFi tum tur a ni thung. A la bang vaibelchhe 25 hi chu Small Industries Development Bank of India (SIBI) in an tum dawn tih a thuphungin an lo sawi tawh nghe nghe a ni.

Singha Atwal chuan vawiina Meghalaya State Convention Centre-a neih tur National SC-ST Hub (NSSH) State Conclave-Shillong-ah helam kawnga mawh­phurtute leh ST-SC entrepreneur-te chu tel turin a sawm nghal bawk.

Vawiina National SC-ST Hub (NSSH) State Conclave, Shillong-a neih turah hian Chief Minister Conrad K Sang­ma, Industries Minister, Snia­wbhalang Dhar leh Gover­nor, Tatathagata Roy-te chu an tel dawn a ni. Concalve hi NSIC Limited leh Forum of SC & ST Legislators & Parliamentarian ṭangkap buatsaih a ni.

Atwal chuan conclave chuan CPSEs, Industry Associations leh state sorkar-te chu platform khata hruaikhawma SC-ST entrepreneur-te tana Public Procurement Policy tihhlawhtlinsak chu an tum tih a sawi bawk.

NSSH chu Central Sector Scheme a nih thu sawii Prime Minister Narendra Modi-a'n a tlangzarh a nih thu a sawi a, he scheme hi GoI Public Procurement Policy, 2012 leh NSIC-te nena inzawmna nei a nih thu a sawi bawk a ni.