Imphal-a bomb puakah mi pahnihin hliam tuar

Manipur khawpui, Imphal-a Regional Institute of Medical Sciences (RIMS) hospital gate bulah Thawhṭanni khan bomb a puak a, mi pahnihin hliam an tuar. 

Police-te chuan Thawhṭanni zing dar 9 vel khan RIMS hospital main gate bulah improvised explosive device (IED) tihpuah a ni thu sawiin, hliam tuarte hi nupa, Kongpokpi district mi, damdawi-ina inentir tura kalte an ni tih an sawi. 

Bomb puak hi a bul vel in leh thil dang tihchhiat a nei lo nia sawi a ni. 

Deputy Inspector of General of Police Range 1, Themthing Ngashangva chuan he thil thleng hi a dem thu sawiin, pawisawi lote natna thlenga chetna chu mi dawizepte thiltih a ni, a ti. 

Nimin thleng khan bomb puak hi mimal emaw, pawl emaw in an tih an nih thu an la sawi lo.