Scholarship fund tichingpentu mi 26 man
Assam-a Criminal Investigation Department (CID) chuan pre-matric scholarship funds for minority students fund, cheng vaibelchhe 10 vel tichingpentua puh mi 26 an man.
CID official-te chuan financial year kum hnih liam ta chhunga fund tichingpentua puh mi 26-te hi district pali ami an ni tih sawiin, an man zingah hian sum tihchingpenna a phusa ber nia sawi Goalpara district ami Robiul Islam pawh an man tel tih an sawi. Scholarship fund tihchingpennaah hian school eng emaw zat an inhnamhnawih tel nia sawi a ni bawk.
Mi 26 man zingah hian headmaster pali, zirtirtu pakhat, nationalised bank-a Customer Service Point (CSP) neitu pathum, school manangement committee president pakhat, electronic data processor pahnih leh middlemen 10 an tel.
CID team hian scholarship fund tichingpentua puhte hi man tuma zawngin district hrang hranga an dap kual hnuah an man thei ta a ni. An mi mante kut aṭang hian laptop pathuma, zirlai thlalak 217, students' certificate 104, pre-matric scholarship form 173 leh bank passbook 11 an man tel bawk a ni.