Assam sorkarin sipai martar chhungte Rs nuai 20 pe dawn

Assam chief minister Sarbananda Sonowal chuan kar liam ta Zirtawpnia North Kashmir-a Pakistan sipaiten an beihnaa thi, army jawan Hardhan Chandra Roy chhungte chu state sorkarin cheng nuai 20 in a ral dawn tih a sawi. 

CM bakah Indian Army leh Assam Police-te official-te chuan Dubri-a Roy chenna in tlawhin, zahna an hlan a ni.

November 13 khan Pakistan sipaite chuan  Line of Control (LoC)-a inkahhai puan chu bawhchhiain, India an bei a, security force mi panga leh civil mi parukin nunna an chan a ni. India sipaite hian kap let ve nghalin, Pakistan sipai pasarih an kaphlum nia sawi a ni. 

Roy hi Regiment of Artillery-ah havildar niin, Uri sector-ah a awm a ni. Thawhṭanni khan an khua, Assam-a Dhubri district-ah sipai chawimawina nen vui a ni.