Tripura BJP hruaitu man

Tripura police-te chuan kum 37-a upa BJP hruaitu chu National Security Act (NSA) hnuaiah pawikhawihnaa inhnamhnawiha puh a nih avangin an man.

West Tripura-a Jirania-a BJP hruaitu Keshab Sarkar hi man a nih hnuah Bishalgarh Central Jail-ah tantir a nih thu Indian Express chuan an tarlang a ni.

West Tripura SP Ajit Pratap Singh chuan Keshab Sarkar chu National Security Act hnuaia man a nih thu sawiin, Magistrate te chuan a record leh history enin thupek hi an tichhuak tih a sawi a, hemi hnu hian Bishalgarh Central Jail-ah thawn a ni tih a sawi thu an tarlang.

West Tripura District Magis­trate Sandeep Namdeo Mahatme chuan October 25 khan NSA board chuan hearing hnuhnung ber an neih thu sawiin Sarkar-a pawikhawihnaa inhnamhnawiha puhna report awm chu an ngaih­tuah tih a sawi.

Hetihlai hian BJP MLA Sus­hanta Choudhury chuan Sarkar man a nih chu a dem thu sawiin Kes­hab Sarkar chu sumdawng mi a nih thu leh left party dotu zingah hun rei tak a tel tawh thu a sawi a, NSUI hunlai aṭang tawha inhnamhnawih tawh an nih thu sawiin man a nih chungchangah hian CM leh Home Minister ni bawk Biplap Kumar Deb pawh a biak tawh thu a sawi a, chief secretary leh home secretary pawh a be tawh tih a sawi bawk.