Tripura civil society group-ten nawrh huaihawt

Tripura-a civil society group-te chuan North Tri­pura-a Kanchanpur khuaa Bru raltlante dah ngheh tumna chu duh loin, Thawhṭanni aṭang khan tiam chin awm loin nawrh an huaihawt. 

Joint Movement Commi­ttee tih hmangin nawrh hi huaihawt a ni a, Bru raltlante chu district pariatah sem darh turin an phut a ni. 

JMC hotute chuan a hmain Bru raltlan chhungkaw 1,500 chu Kanchanpur bialah dah an ni dawn tih an tiam tawh a,mahse a hnuah chhungkaw 6,000 dah an tum leh ta nia sawiin, hei hi an duh lo tih an sawi. 

Tripura-ah hian Bru raltlan hi 33,000 vel an awm a, kum 1997, October thla aṭang khan relief camp parukah an khawsa a ni. 

Raltlante chhawmdawlna tur hian cheng vaibelchhe 600 package siam a ni.