Modi-a'n Future Policy Gold award Dawngtu Sikkim lawmpui

Prime Minister Narendra Modi chuan UN- Food and Agriculture Organization-in Italy khawpui Rome-a Future Policy Gold Award dawngtu Sikkim state chu a lawmpui thu a sawi.

Pathianni-a thlatina radio-a thu a sawi ṭhin ‘Mann Ki Baat’ hun a hmannaah Sikkim chu a lawmpui thu sawiin policy ṭha siam leh food system lamah chuan 'Oscar' ang hial a nih thu a sawi.

Modi chuan hmarchhak chuan danglamna bik tak a neih thu a sawi a, hmarchhak mawina chu engmahin a tluk theih loh thu sawiin a mi cheng te pawhin talent an nei ṭha hle tih a sawi. Tunah chuan hmatchhak chu thilṭha tih avanga hriat lar a nih thu a sawi a, organic farming-a nasa taka hma a sawn thu a sawi bawk. Tunhnai lawk khan Sikkim chuan a policy kalpui avangin Future Policy Gold Award, 2018 a dawn thu sawiin UN body FAO pek a nih thu a sawi bawk.

Modi chuan he award hi a dawnna sector huamchhungah chuan Oscar nen a intluk thu a sawi a, Sikkim chuan ram 25 aṭanga policy ṭha 51 thlanchhuah zingah a ṭha ber nihna a dawn thu sawiin hemi avang hian a thinlung taka a lawmpui thu a sawi bawk a ni.