LS inthlanah Manipur MP hlui Gangte din tum

Manipur Parliament Member hlui Kim Gangte chuan Loks Sabha inthlan lo awm turah din a tum thu Thoubal district mipuite hmaah a sawi.

Gangte chuan state chhunga kum upa lam mi tam tak chuan an state aiawh turin hmeichhia an duh thu a sawi a, mipui ten an thlawp ṭhat a, an fuih ṭhat phawt chuan LS inthalah hian din ngei a tum tih a sawi a ni.

Kim Gangte chuan inthlana a din hmasak ber ṭum khan an state in harsatna hrang hrang a tawh thu sawiin social activist anga a thawh lai a nih thu a sawi a, a hunlai khan parliament-ah pawh AFSPA chungchang a sawichhuh thu a sawi bawk.

MP a nih tawh loh hnu khan mi eng emaw zat Lok Sabha member a nih thu sawiin tumahin AFSPA chunchang hi parliament-ah an la sawi ve leh loh thu a sawi. Kim chuan chhungkua chu hmeichhe tel lo in a ṭhang thei lo tih sawiin hmeichhia te chu anmahniin awm thei mah se mipa te chu hmeichhe tel loin an awm thei lo niin a sawi bawk. Mahse hmeichhia te chuan an dinhmun an theihnghilh tur a ni chuang lo, a ti.

Kim Gangte chuan inhmangaih tawnna leh inhriatthiam tawnna chu mihring nunah a pawimawh tih sawiin heng tel lo hi chuan hmasawnna a awm thei lo tih a sawi bawk a ni.