Assam-a Katakhal luiah lawng chesual

Assam Hailakandi district-a Katakhal luiah Pathianni chawhnu khan lawng a chesual a, a chuang zinga pathum chu chin hriat lohin an la awm.

Lawngah hian mi 15 an chuang a, mi 12 chu chhanchhuah an ni tawh thung a, Lalamukh leh tualchhung mite bakah State Disaster Response Force (SDRF)-te chuan chhanchhuah hna hi an thawk a ni. Lawng hi ṭek nasa taka a tlak laiin a let niin an sawi.

Chin hriat loha awm mi pathumte hi Lalamukh thingpui huana hnathawk te an nih thu tarlan a ni a, SDRF-te chuan a zawn hna hi an la thawh chhunzawm zel a ni.