Oting-a inkahna chungchang SIT in chhui zo hnai tawh : Nagaland Dy CM

Nagaland deputy chief minister Yanthungo Patton chuan nikum December 4-a Oting khuaa security force-te civil mi an kah chungchang chu Special Investigation Team (SIT) chuan a chhui zo hnai tawh tih a sawi.

Home department changtu, Dy CM Patton chuan civil mi 14-te thah an nih avanga state chhung boruak ṭha lo pawh ziaawm tawhin, boruak pawh a muanawm chho tawh tih a sawi. "Pawisawilote nunna laksak an nih chungchangah rorelna dik tak hlenchhuah a ni ngei ang tih ka tiam a ni," tiin state sorkarin thil thlen dan chhui tura a din, SIT chuan an hna a zo fel hnai tawh a, document ṭhenkhat tihkhawtlai a la awm chauh a ni, a ti.