Oil India-ah Assam sorkar tan chanpual dahsak phut

Assam sorkar chuan sorkar laipui hnenah Oil India Limited (OIL)-a a share ṭhenkhat chu Assam tana dahsak ṭhen dan ngaihtuah turin a ngen.

Chief minister Himanta Biswa Sarma chuan an state-a oil zawnna kawngah state sorkar chuan oil sector company-te chu theihtawpin a thawhpui ṭhin tih a sawi. OIL-in tluang taka hna a thawhna tura an puih chhunzawm zel theihna turin Assam sorkar tan share dahsak ve turin union minister of petroleum & natural gas Hardeep Singh Puri hnenah a ngen a ni.

CM Sarma chuan Prime Minister pawhin capital infrastructure tihchangtlunna turin Union Budget-ah fund pawh a dah tih sawiin, Assam sorkar pawhin hemi kawngah hian theihtawp a chhuah a ni, a ti.