NRC vangin Bengal Board hnenah application 9000 thehlut

Kum1973 hma lama Tripura aṭanga West Bengal Board Secondary Education (WBBSE) hnuaia secondary examination pass, mi 9000 vel tuna Assam-a cheng mek te chuan National Register of Citizens (NRC)-a thehluh tur WBBSE hnenah document an dil.

WBBSE president Kalyanmoy Ganguly chuan mi tam tak 1973 hma lama Tripura aṭanga WBBSE hnuaia pass chhuak te chuan NRC-a thehluh tur document dilna an thehlut tih sawiin, heng mite hi tunah chuan Assam-ah an cheng tawh tih a sawi. Ganguly chuan an document an tibo tawh nia a lan thu a sawi bawk.

Document dilna lut tawh zawng zawng hi 9000 vel a nih thu official te chuan sawiin 6000 vel chu an pechhuak tawh tih a sawi bawk a ni.

Tripura Board of Secon­dary Education (TBSE) hi 1973-a din kha a ni a, January 1, 1976 khan kalpui ṭan a ni chauh thung. TBSE din a nih hma hian Tripura zirlaite hi WBBSE hnuaiah an exam ṭhin a ni.