'Run for Unity'-ah AP CM tel

Arunachal Pradesh Chief Minister Pema Khandu chu nimin khan ‘Rashtriya Ekta Diwas’ lawmna atana buatsaih marathon race, ‘Run for Unity’-ah a tel ve.

‘Run for Unity’ marathon race hi district thuneitu ten India ram Deputy Prime Minister leh Home Minister hlui Sardar Vallabhai Patel piancham vawi 143-an lawm­na puala an buatsaih niin, mi 700 chuang an tel. Tlan ṭan dawn hian Chief Minister chuan Rashtriya Ekta Diwas thutiam a chhiarchhuak a ni.

CM Pema Khandu hian hmeichhia leh 'veteran' tlan te a vailiam hmasa a, amah hi mipa inthlansiakah a tel ve bawk.

Tawang War Memorial-a Tawang Monastery aṭangin an tlan ṭan a, km 5-a thui an tlan a ni.

Marathon race neih zawh­ah hian Chief Minister leh Deputy Commissioner Sang Phuntsok-te chuan lawm­man an sem zui nghal a ni.