MU buaina: AP Pandey file ṭhenkhat dahṭhaah puh

Manipur University Vice Chancellor hlui AP Pandey chu a chenna Sanjenthong-ah file pawimawh ṭhenkhat dahṭhaa puh a ni.

Univeristy thuneihna chang mek Jarnail Singh chu University staff-te chuan hemi chungchang hi hriat­tirin thla li kalta velah khan file pawimawh tak tak 10 chu Pandey-a chenna Sanjenthong-ah hian thawn a nih thu an hrilh.

Hemi hnu hian heng file chungchang hi engmah hriat a nih tawh loh thu leh an hnenah a let tawh loh mai bakah amah thlaktu VC dangte kutah pawh a hlan­chhawng lo niin an sawi.

Tun dinhmunah hian AP Pandey hi University chung­changah hian engahmah a inrawlh duh lo a, Thawhṭanni-a two-member inquiry committee-ah pawh a lang lo a ni.

Jarnail Singh chuan heng file-te hi pek let leh a ṭul dawn thu a sawi a, a nih loh chuan thubuai an hmachhawn ngam a ngai dawn niin a sawi. Singh chuan bullet proof motor pawh chu dah reng a ngaih loh thu a sawi bawk.

Thawhlehni khan two member inquiry committee-te hian administrative block-a locker in kalh reng chu an hawng a, hemi lai hian MUSU, MUTA, MUSA leh district magistrate aiawh te pawh an awm ve bawk a ni.