Meghalaya-ah Swine Flu darh lo: AL Hek
Meghalaya Health and Family Welfare Minister, Alexander Laloo Hek chuan Nilaini khan an state chhungah H1N1 (Swine flu) a darh loh thu a sawi.
AL Hek chuan uluk takin swine flu chungchang chu an enfiah reng thu sawiin an fimkhur hle niin a sawi a ni.
Health and Family Welfare Minister chuan kar hmasa lama swine flu vei pahnih hmuhchhuah bak kha chu midang hmuchhuah belh an la nih loh thu sawiin a hmaa he hri vei an hmuhchhuah te pawh kha state dang aṭang an rawn kai a nih thu a sawi.
Airport Authority of India (AAI) official, Guwahati International Airport leh Shillong airport ami te pawh an fimkhur hle tih sawi bawk.
Pathianni zanah khan swine flu vei hmuhchhuah nu pakhat zawk kha chu Nazareth Hospital-ah a thi a, pakhat zawk chu damdawi-inah enkawl mek a la ni thung.