Meghalaya: Zirtirtu leh pastor ni bawk ru bo

Meghalaya-a South Garo Hills-a Kakhija thingtlang khuaa sikul zirtirtu leh pastor ni bawk chu Nilaini zingah khan ruk bo a ni.

Misual ten an rukbo Sundaybirth Ch Marak (43) hi a muthilh laiin a kawngka ring takin an kik a, a va hawn chuan misual tu tih hriat loh pahnih, shot gun keng te chuan an ru bo zui nia sawi a ni a, zing dar 12:15 velah ruk bo nia sawi a ni bawk.

Marak hi Kenegre UP School-a zirtirtu a nih bakah Lower Kakhija Baptist Church-a assistant pastor ni lai a ni a, Garoland State Move­ment Committee (GSMC) co chairman, Balkarin Ch Marak unaupa a ni bawk a ni.

South Garo Hills SP Abraham T Sangma chuan mi paruk vel a inah hian an kal nia sawiin an zinga pahnih chuan kawngka an kik a, hemi hnu hian Marak hi an ru bo zui ta niin a sawi a, thil thlen dan kimchang erawh an la chhuichian mek thu a sawi.