Nagaland: Zirtirtu training nei lo 3000 vel ban dawn

Kohima-a tunhnaia zirtirtute puala hun hmanah sorkar official chuan March 2019-ah chuan zirtirtu training nei lo mi 3000 vel chu bantir an ni dawn tih a sawi.

All Nagaland School Teachers Association (Ansta)chuan triennial general conference vawi 40-na Kohima district-a Viswema-a government higher secondary school-ah an nei a, department of School Education principal secretary Menukhol John chuan nakkum March thla hian zirtirtu training nei lo mi 3000 vel, private leh sorkar elementary zirtirtute chu an service aṭangin chawlhtir an ni dawn tih a sawi. Hei hi India sorkar guideline zulzuia ti an nih thu a sawi bawk.

John chuan an state-a hnathawk ngah ber zingah School Education department pawh an tel thu sawiin state budget-a 25% vel chu hetah hian a kalral niin a sawi a ni.

He hunah hian Public Works department minis­ter Tongpang Ozukum chu special guest a ni a, advisor for School Education KT Sukhalu chu guest speaker niin Menukhol John hi resou­rce person a ni thung.