SC in Assam NRC claims and objection siam hun pawtsei ; Document hnawl tawh 5 pawm leh

Supreme Court chuan Assam National Register of Ci­ti­zenship-a claims and ob­jec­tion siam hun chu De­cember 15 thleng a pawt­sei leh.

Chief Justice Ranjan Gogoi kaihhruai bench chuan Assam NRC-a claims and objection siamna atan document panga pawm loh thu chhuah lo awm tawh te chu pawm an nih leh thu an sawi bawk.

Heng document te hi a hma in NRC coordinator chuan a lo hnawl tawh a ni.

NRC coordinator chuan 1951 NRC, 1966 leh 1971 voters list, refugee registration certificate 1971 thleng leh ration card 1971 thlenga pekchhuah te chu pawm a nih loh thu an lo sawi tawh a ni.

Tun thleng hi chuan document 10 chiah draft list-a claims and objection siamte tan hian pawm a ni a, mahse SC thupek angin document dang panga pawh hi pawm a ni leh tawh dawn thung.

Assam NRC draft list-ah hian mi nuai 40 chuang an tel lo a ni.