Hmarchhaka a hmasa ber turin AP CM in tourist police tlangzarh

Arunachal Pradesh Chief Minister Pema Khandu chuan Zirtawpni khan hmarchhaka a hmasa ber turin state tourist police a tlangzarh.

States tourist police-te hi ditrict pasarihah dah an ni dawn a, hmarchhaka a hmasa ber an nih bakah ramchhunga states tourist police nei 15-na an ni.

Pema Khandu chuan an sorkar chuan an tlangram te chu tourist hmunpuia siam an tum thu sawiin hemi hmang hian an ṭhalaite tan pawh hna tam zawk an siam thei dawn tih a sawi. Khandu chuan Arunachal Pradesh chu a mawina leh a hmun mawina te avangin tourist-te zingah a lar hle tih a sawi a, kumin Fenruary-a Prime Minister Narendra Modi-an a tlawh aṭang phei kha chuan a lar lehzual tih a sawi. Tourist te tana hmun tlawk chakawm ber te zinga mi a nih thu a sawiin India ram mai ni lo khawvel pum huap pawha tourist te tana hmun tlawh chakawm ber te zinga mi a nih thu a sawi bawk.

Tourist police-te hian lirthei hrang bik neiin uniform bik te pawh an nei dawn a, soft skills, ṭawng leh dan leh thupek bakah mipuite tana nelawm taka awmna kawng­ah te training pek an ni. Hmeichhe lama pawi­khawihna thleng venna tur kawngah te leh tourist te buaipuina tur kawng hrang hrangah training pek an ni bawk a ni.