Sikkim-ah NRC kalpui ngiat

Sikkim-a Nationalist Sikkim United Orga­nization (NSUO) Coor­dinator Tshering Wang­chulk Lepcha chuan Prime Minister Narendra Modi hnenah memorandum thehlutin an state-a National Register of Citizens (NRC) kalpui an ngiat.

Sikkim mipuite hi 1975 aṭang khan India khua leh tuia pawm an ni a, hun lo kal lehzel turah buaina an tawh lohna turin NRC kalpui hi an ngiat niin NSUO coordinator chuan a sawi.

NSUO chuan state chhunga dan loa lut an awm lohna turin Inner Line Permit kalpui ve pawh an ngiat bawk a ni.

Nationalists Sikkim United Organization hian Union Home Minister Rajnath Singh hnenah pawh state chhunga NRC kalpui ve ngiatna hi an thehlut ve bawk.