Meghalaya: NH 62 siamṭhat tih-khawtlai vangin CCL coordinator man

Meghalaya-a West Garo Hills-a National Highway 62 siamṭhat tihkhawtlai vangin Inrinni khan CCL International Limited coordinator leh manager ni bawk Jai Kishore (40) chu Tura-ah an man.

Kawngpui siam tih­khawtlai vang hian Jai Kishore hi Baghmara mipui ten an hek a, a lakah hian FIR an thehluh avangin man a ni. NH 62 hi hmarchhaka national highway chhe bera sawi a nih ṭhin thu report chuan a tarlang.

NH 62 hi South Garo Hills chak lakna kawng ber a ni a, Assam-a Dud­hnoi aṭanga inṭanin West Garo Hills-a Karonggre thleng a pawh a ni.

CCL hi kawngpui siamṭha tura contractor pali zinga pakhat an ni a, contractor dang pathum hi chuan hna hi an ṭan tawh laiin CCL hian an la ṭan ve lo thung.

South Garo Hills SP Abraham T Sangma chuan mipuiten anmahni buma an puhna complaint lut vangin man a nih thu a sawi.

CCL hian Garo Hills-a hmasawnna tur project hrang hrang pawh an tikhawtlai nia sawi a ni a, NGH lamah pawh mi­pui ten nasa taka an nawr hnuah project an ṭan chauh nia sawi a ni bawk.