Arunachal short film 'Trauma' in internatonal film festival award dawng

Arunachal short film, 'Trauma' chu Aurangabad, Maharashtra-a Reels International Short Film Festival (RISFF) neihna 'Special Mention Award' hlan a ni.

He short film hi Spark Film Production dintu, Topran Rimo Matam-a direct leh produce a ni. RISFF-ah hian ram 46 chuang aṭangin film 1,200 thlan chhuah a ni. Rimo hiEast Kameng district-a Fengche khuaa cheng niin, Rajiv Gandhi University-a Mass Communication zirlai a ni. Short film category-ah hian national leh international platform lamah lawmman pawh a lo dawng nual tawh a ni.

RIFF director Tushar Thorat chuan 'Trauma' film story leh plot chu fakin, a hlawhtlinna chu India leh Arunachal Pradesh chuan a chhuang hle a ni, a ti. Trauma short film hi nikum December thlaa Sillod, Maharashtra-a ‘Ideal International Film Festival’ neihah khan ‘Best Student Project Short Film category-ah second runner-ah thlan a lo ni tawh bawk.