Manipur polling booth 9-a vote thlak ṭhat chungchang EC-in ngaihtuah dawn

Election Commission of India chuan Manipur-a vote thlak nia buaina chhuahna, polling station pakuaa vote thlak ṭhat a nih dawn leh dawn loh chungchang a ngaihtuah dawn.

Heng polling station pakuate hi Churachandpur district chhunga mi vek niin, February 28-a vote thlak ni khan buaina a chhuak a ni. Buaina chhuak vang hian district observer leh polling officer-te chuan vote thlak ṭha turin ECI lamah rawtna an thlen a ni.

Inthlan thawh khatna neih ni hian hmun hrang hrangah buaina chhuak report a awm a, chief electoral officer (CEO) Rajesh Agarwal chuan polling station pasarih-ah EVM tihchhiah a nih avangin FIR ziahluh a nih thu a sawi bawk.