Tripura : Greater Tipraland phutin rally huaihawt dawn

Tripura-a Tribal Areas District Council (ADC)-a rorellai, Pradyot Mishore Manikya Debbarma kaihhruai Tripura Indigenous Progressive Regional Alliance (TIPRA) chuan March 12 hian Greater Tipraland siam phutin rally an huaihawt dawn.

Pradyot chuan an thil phut hi midang dodalna lam ni loin, leilung fate venhimna leh thuam chakna a ni, tiin rally hi boruak muanawm tak hnuaiah neih tum a ni, a ti. State sorkar pawhin rally huaihawt phalna hi a pek ngei an beisei thu a sawi bawk.

TIPRA hian tribal council hnuaih hian village council inthlan buatsaih an phut bawk a, hemi kawnga hma la tur hian an state-a BJP-IPFT ṭangrual sorkar chu hma la turin an ngen a ni.