Guwahati police-ten halpuah 125 dB chunglam khap ; Dar 10 hnuah halpuah/halmawi hal khap

Supreme Court in thla hmasaa thupek a tihchhuah, halpuah/halmawi dar 10 hnu lama hal khap a nih thu a tihchhuah chu zawmin Guwahati West Police District chuan 125dB aia ring puakthei thil reng reng chu khap a nih thu an sawi.

APS, Deputy Co­mmissioner of Police, West Police District, Guwahati, Harekhrishna Nath chuan thupek tichhuakin Kali Puja leh Diwali chhungin 125dB aia ring halpuah hal khap a nih thu tarlan a ni. Thupek hian Ningani zan, zanlai thleng a huam ang.

West Police District chuan petrol pump aṭanga metre 500 bialah chhiatna a thlen lohna turin halpuah leh halmawi hal a khap bawk a ni.