TTAADC-ah Governaor Rule pawtsei

Tripura Tribal Areas Autonomous District Council (TTAADC)-a Governor Rule hman mek chu thla ruk dang pawhsei a ni. 

Governor Ramesh Bais chuan thuchhuah siamin, Covid-19 hri leng avangin ADC-ah inthlan buatsaih theih a ni lo a,  Governor Rule puan chu thla ruk pawhsei a nih thu a sawi. Governor chuan a aiawha  tribal council-a ro rel tura a ruat, GK Rao chu Administrator a ni dawn tih a sawi. 

Hetih lai hian eptu pawl, CPI(M) chuan tribal council-a a rang thei anga inthlan buat­saih a phut thung. Party  hruai­tute chuan tribal council hi con­stitutional body a ni a, bureau­crat ni loin elected member-te ngeiin ro an rel a ngai a ni, an ti. 

Bihar-ah pawh hripui leng kara assembly inthlan hlawhtling taka neih a ni thei a, hei vang hian TTAADC inthlan pawh buatsaih thuai turin an phut tih an sawi.