AASU general conference ṭan

All Assam Students Union (AASU) chuan nimin aṭang khan Dibrugarh district-a Duliajan-ah ni li awh tur general conference an ṭan a, conference chhung hian an political party thar an dina  hruaitute an puang ang. 

September thla khan AASU leh zirlai pawl dang,  Asom Jatiyatabadi Yuva Chatra Parishad (AJYCP) chuan thawk dunin, political party Assam Jatiya Parishad (AJP) an din thu an lo puang tawh a, he party hming hian nakkum March-April thlaa assembly inthlan an neih turah chuh an tum a ni. 

AASU president Dipanka Kumar Nath leh general secretary Lurinjyoti Gogoi-te chu an term a tawp tawh dawn a, politics an khel zui dawn a ni.  Gogoi hi AJP hi a zawm dawn nia sawi  a nih laiin, Nath hian eng party nge a zawm dawn sawichian a la ni lo. Hun rei tak chhung AASU adviser lo ni tawh, Samujjal Bhattacharya pawh a chawl tawh dawn a, mahse political party a awm dawn leh dawn loh erawh a la sawi chiang lo. 

AJP hi AASU-in political party a din ṭum hnihna a ni. Kum 1985-a Assam Accord ziah a nih khan political party thar, Asom Gana Parishad a lo din tawh a ni.