Biswa Sarma thu zawtfiah nia puhna pha

Central Bureau of Inves­tigation (CBI) chuan Thawhṭanni khan Assam minister Himant Biswa Sarma chu thamna lak chungchangah thu an zawtfiah nia sawi awm chu thu dik lo a nih thu an sawi.

Assam health minister Himant Biswa Sarma hi multi-crore Louis Berger bribery scam case-ah in­rawlha puh a nih avangin CBI hian thu an zawtfiah nia sawi a ni a, mahse hei hi CBI lam chuan an pha thung a ni.

CBI thupuangtu R K Gaur chuan Sarma thu an zawtfiah nia news agency ṭhenkhatin report an thehdarh chu thu belhcian dawl lo a nih thu a sawi a, hetiang thil hi engmah a thleng lo a ni, a ti.

Louis Berger bribery scam case hi September 1, 2017 khan Gauhati High Court chuan CBI kutah lo dah tawhin police ten chhuichianna an kalpui dan chuan duhthu a sam loh thu an sawi.

CBI FIR-a a lan dan chuan Guwahati Metropolitan Development Authority official hriat loh pakhat, US-based multinational company, Louis Berger In­ter­national leh Assam sorkar te chu he thubuaiah hian chhuichian mek an ni.