Tripura-in football infrastructure thuam ṭhatna atan Sorkar laipui aṭangin Rs vbc 20 a dawng

Tripura sorkar chuan state chhunga football infrastructure-te thuam ṭhatna turin, sorkar laipui aṭangin special assistance, cheng vaibelchhe 20 a dawng.

Tripura sports and youth affairs minister Sushanta Chowdhury chuan an sum dawn hmang hian state chhunga hmun hrang hranga football stadium pali-te chu sythetic coating tih a ni dawn thu a sawi. "Heng stadium-te hi international soccer stadium anga ṭhaa thuam ṭhat an ni dawn a ni," tiin minister chuan a sawi.

Minister chuan Rs vbc 20 bakah hian sorkar laipui chuan "Khelo India' hnuaiah infiamna lam tihchangtlunna tur project hrang hrang a sponsor thu a sawi. "Pani Saga-ah swimming pool siam mek niin zawhfel a ni hnai tawh. Hmun hrang hranga gym siamna turin Rs vbc 5 sanction a ni bawk. Covid-19 hri lengin sum lama harsatna a thlen avangin duh angin hna kan thawk chak thei lo a, mahse project kalpui mek tam tak hi thla li thla nga hnuah zawh an ni hlawm dawn a ni," a ti.