Manipur journalist's union-in media mite kutthlak an dem

All Manipur Working Journalists' Union (AMWJU) chuan mi ṭhenkhatin state assembly inthlan neih cover-tu, television report kut an thlak leh, video journalist mobile phone an chhuhsak chu an dem thu a sawi.

AMWJU chuan thuchhuah siamin, March 5-a inthlan thawhna neih a nih ṭum khan Mami TV reporter Josh Sharma leh video journalist L Kanta-te chu Wangkhem Assembly biala Charangpat High School-a vote thlak lai cover turin an kal a, mahse polling station-ah hian mi ṭhenkhat chuan Kanta hi kut an lo thlak tih sawiin, a mobile phone pawh an chhuhsak zui niin a tarlang. Kanta kut an thlak chhan pawh hi an sawi lo niin a tarlang bawk.

Kanta hian Thoubal district-a police station-ah complaint a thehlut nghal a, Mami TV editor-in-chief Brozendra Ningomba pawhin Election Commission of India-ah complaint a thehlut bawk a ni.

February 28-a inthlan thawh khatna neih ṭum khan, Naoriya Pakhnaglakpa Assembly constituency-a Ningobam-ah mi ṭhenkhatin Tom TV reporter chu kut an lo thlak tawh bawk. AMWJU chuan pawikhawihtute chungah action la turin an phut a, mahse a hnuah kut thlaktute hian an hriatsual vang niin an sawi.

AMWJU chuan media mite beih an nih chungchang chu chhui chiang a, pawikhawihtute chu hremna pe ngei turin thuneitute an phut thu an sawi a ni.