August thlaah AP-a Hollongi airport hman theih dawn

Arunachal Pradesh-a Hollongi Greenfield Airport chu kumin August 15 aṭangin hman theih beisei a nih thu sorkar laipui chuan a sawi.

Hollongi greenfield airport hi state khawpui Itanagar aṭanga km 15 vela hla a ni. Airports Authority of India (AAI) in a siam mek a ni. Airport siamna atan hian Rs vbc 645 ruahman niin, hei hian airport pavement, airside work, terminal building leh city side work-te a huam vek ang.

Civil Aviation Ministry chuan airport hi A-30 category aircraft-te service theihna tura ruahman niin, runway meter 500-a thui siam belh a nih thu a sawi. Terminal building hi peak hour laiin khualzin 200 vel dawngsawng thei tura duan a ni bawk.

Airport hi square meter 4,100-a zau niin, check-in counter pariat a awm dawn a, facility-te pawh tunlai hmanraw ṭha ber nena duan an ni dawn tih Ministry chuan a sawi. Medical center leh fire station-te dah a ni dawn bawk.

August 15-ah airport hi hman theih tura peih hman tumin hna pawh ngawrh taka thawh mek a ni a, airside work chu 80% vel zawh a ni tawh a ni.