Guwahati-a man zingah APCC president Ripun Bora tel

Ningani-a ramchhung hmun hrang hranga BJP kaihhruai sorkarin pawisa note lian pa­hnih a tihthih champha kum hnihna puala duh lohna lantirna neihnaah Assam Pradesh Congress Committee president Ripun Bora chu man a ni.

Ripun Bora hi Guwahati-a Reserve Bank of India office kawta pawisa note tihthih duh lohna lantira pungkhawm man zingah a tel a, ani bakah hian Assam Assembly opposition leader Debabrata Saikia, minister hlui Rockybul Hussain leh Gaurav Gogoi-te pawh man an ni bawk.

Sokar laipui chuan kum 2016 November 8 khan pawisa note lian pahnih cheng 500 leh cheng 1000 note a tithi a, hemi hnu hian cheng 500 leh 2000 note thar a tichhuak leh a ni.